4 отбасы баспаналы болды

Таран ауданында Наурыз мейрамы қарсаңында "Бақытты отбасы" жобасы аясында көп балалы отбасыларға пәтер кілті табысталды. Бастамашы – "Варваринский" ЖШС. Серіктестік өз есебінен 6 млн теңге бөлген. 

Баспанаға Әйет ауылында тұратын үш отбасы ие болды. Олар – Қанабаевтар, Смотровтар, Медведевтер отбасы. Қанабаевтар 5 бала тәрибелеп отыр. Жеке үйлері болғанымен, апатты жағдайда. Жөндерге ақшалары жоқ. Ал Смотровтар жанұясында 6 бала бар. Бұларда жеке тұрғын үй болмаған, жалға алып келіпті. Медведевтер де 5 перзент өсіріп отырған отбасы. Олар да бөгденің үйіне айлық төлеп амалдап келген. 

Набережный ауылында көп балалы Мырзашевтар отбасына жаңа пәтердің кілті берілді. Олар да осы ауылда жалдамалы пәтерде өмір сүріп отырыпты.