Жерлестердің үлесі бар

Ресейдің Красноярск қаласында 2-12 наурыз аралығында өткен XXIX қысқы Универсиада ойындарында қазақстандық студенттер барлығы 7 медаль жеңіп алды. Жүлдегерлер ішінде қостанайлық студенттер де бар.

Бүгін қорытындыланған бүкіләлемдік байрақты бәсекеде елдің жүлде қоржынын толықтыруға жерлестеріміз де үлес қоса білді. Атап айтсақ, Әлия Әмірғалиева мен Қадиша Бақтыгереева, Мерсаид Жақсыбаев пен Еркебұлан Шамұратов шорт-тректен қола медаль иеленді. Олардың бәрі – Қостанай мемлекеттік педагогикалық университетінің студенттері.