AIMAQTA QANDAI HABAR BAR?

El boıynsha ekinshi oryn

Qostanaı. Túlekteriniń jumysqa ornalasýy turǵysynan Qostanaı medısınalyq kolledji el boıynsha ekinshi tuǵyrdan kórindi. Stýdentten mamanǵa aınalatyndar úlesi 89%-ke jetken. Munyń syrtynda, oqytylatyn mamandyqtar men túlekterdiń sanattylyǵy úshin de balǵa ıe bolǵan. Bul – sońǵy úsh jyldyń saraptamasy.

 

Máıithanaǵa da nazar kerek

Lısakov. Qalalyq máıithana jóndeledi. Jobalyq-smetalyq qujaty saraptamada. Ony daıyndaýǵa 4 mln teńge bólingen. Endi, aldyn ala esep boıynsha, jóndeý jumystaryna shamamen 95 mln teńge shyǵyndalmaq. Eger bıýdjet qajetti somany bıyl bóletin bolsa, osy jyly bastalady. Kesheýildese, 2020 jylǵa shegerilýi múmkin. Qala ákimdigi muny ózekti máseleler qataryna jatqyzyp otyr.

 

Adasqaqtar

Arqalyq. Arqalyq-Qaıyńdy avtojolynyń 65-shaqyrymynda, qar qursaýynda eki táýlik jatqan balyqshylar qutqaryldy. 30 jáne 32 jastaǵy azamattar jeńil kólikterin pana etken. Olar Qaratorǵaı ózenin betke alyp, boran saldarynan ne ary bara almaı, ne keıin qaıta almaı qalǵan. Qutqarýshylar kelip jetkende kólikterindegi janarmaı taýsylýǵa jaqyn bolypty. Sol kúni dalada 25 gradýs aıaz edi.

 

20 jyl kúttirgen jylý

Taran. "Baldáýren" balabaqshasy jóndeý kóretin boldy. Ata-analardyń aýdan ákimine jazǵan aryzynan keıin qolǵa alynǵaly otyr. Olar nysannyń tozyǵy jetkeni jáne salqyndyǵy týraly shaǵymdanǵan edi. Bul, jergilikti basshylyq sózinshe, qarjy tapshylyǵynan 20 jyl boıy sheshilmeı kelgen másele eken. Bıyl 19,5 mln teńgedeı qarastyrylmaq.

Boks mektebi boı kóteredi
Rýdnyı. Jergilikti atqarýshy bılik bul máseleni kún tártibinen túsirgen emes. Osyǵan deıin jumys istep kelgen boks mektebi eskirgen. Sondaı-aq, ol bankke kepilge qoıylǵan ári kúrdeli jóndeýdi qajet etedi. Ony bankten qaıtaryp alý úshin 27,5 mln teńge qajet. RBoı kótermek nysannyń jobalyq-smetalyq qujattaryna 40 mln teńge qarastyryldy. Jospar boıynsha, jańa sport mektebinde eki úlken rıng bolady. Jobalyq-smetalyq qujattar daıyn bolsa, jyl aıaǵyna deıin mekteptiń qurylysy bastalady.