Қостанай – мейрімді қала
Көпшілікке мәлім, ақпан айының екінші аптасында жалпы солтүстік өңірде күн аязды болды. Ол адамдардың жүріп-тұруын қиындатты. Сол кездері Елордамыздағы барлық мешіттерде «Астана – мейрімді қала» жобасы аясында біраз ізгілікті шаралар жүзеге асырылды.
Осы жобаны үлгі тұтқан Қостанай облыстық мешіті және қалалық «Жайлаубай ата» мешітінің ұйымдастыруымен «Қостанай – мейрімді қала»-«Тегін такси» қайырымдылық шарасы өткізілді.
![_DSC0341](https://old.kostanaytany.kz/wp-content/uploads/2019/02/DSC0341.jpg)
Сөйтіп, сауабы мол ерекше бастаманың шеңберінде жерлестеріміздің суықтап қалмауы үшін тоңып тұрған жолаушыларды үйлеріне жеткізіп салу мақсатында қайырымдылық таксилері қызмет көрсетті.
![_DSC0225](https://old.kostanaytany.kz/wp-content/uploads/2019/02/DSC0225.jpg)
Сондай-ақ, тамақтандыру жайы да қаралды. Жаны жомарт жандардың бұл ізгілікті істеріне тәнті болған қостанайлықтар қос мешіттің имамдары мен қызметкерлеріне шын жүректен шыққан шынайы алғысын білдірді.
![_DSC0203](https://old.kostanaytany.kz/wp-content/uploads/2019/02/DSC0203.jpg)
ҚМДБ-ның Қостанай облысы бойынша өкілдігінің баспасөз қызметі