Өңірде не жаңалық?
Turǵyndarmen kezdesý
Qostanaı qalasy
Qazaqstan Respýblıkasy Prezıdentiniń halyqpen jyl saıynǵy eseptik kezdesý ótkizý týraly Jarlyǵyn oryndaý maqsatynda, Qostanaı qalasynyń 2018 jylǵy damý kórsetkishteri men aǵymdaǵy jyldyń josparlaryna arnalǵan bıylǵy alǵashqy kezdesý Qostanaı-2 shaǵyn aýdanynda ornalasqan № 122 orta mekteptiń shaǵyn zalynda ótkizildi. Qostanaı-2 shaǵyn aýdan turǵyndaryna qala ákiminiń mindetin atqarýshy Husaıynov Aıdar Ábilǵazyuly esep berip, turǵyndardyń kókeıde júrgen suraqtaryna aıqyn jáne naqty jaýap berdi.
Gaz qazandyǵy salynady
Lısakov
Oktıabr'skıı kentinde eki modýl'di gaz qazandyǵy paıda bolady. Buǵan respýblıkalyq bıýdjetten 794 mln teńge kóleminde nesıe beriledi. Qazandyqtardyń quny shamamen 3 mln teńge, qalǵan soma daıyndyq jáne qurylys jumystaryna qajet. Merdigerdi anyqtaý boıynsha konkýrstyq rásimder naýryz aıynyń sońyna qaraı aıaqtalýy tıis. Jumystardy eki kezeńge bólý josparlanýda. Modýl'dik qazandyq kenttiń 10 áleýmettik nysany men 511 adam turatyn 52 úıdi jylytatyn bolady. Oǵan qosylý tegin.
«Mıgrant» sharasy ótti
Altynsarın
QR IIM nusqaýyn oryndaý maqsatynda, turaqty jáne ýaqytsha turatyn jeri boıynsha sheteldikterdi esepke alý men tirkeýdi qamtamasyz etý, sheteldikterdiń elde bolý erejelerin buzýdy anyqtaý, sondaı-aq zańsyz kóshi-qon arnalarynyń jolyn kesý maqsatynda Altynsarın aýdanynyń aýmaǵynda jergilikti, ákimshilik, krımınaldyq polıtsııa, tergeý jáne anyqtaý bólimsheleriniń qatysýymen "Mıgrant" jedel-aldyn alý is-sharasy ótkizildi. Atalmysh sharany ótkizý kezinde Altynsarın PB-nan 14 qyzmetker qatysty. 95 nysan tekserildi. Is-shara barysynda 67 shetel azamatty turǵylyqty jeri boıynsha tekserildi. Sheteldik azamattar tarapynan kóshi-qon zańnamasyn buzý faktilerine jol berilgen joq.
Shet tilin meńgergen
Amangeldi
О́tken jyldyń aqpan aıynan bastap Amangeldi aýdany ákimdiginiń mádenıet jáne tilderdi damytý bólimi memlekettik qyzmetkerler men memlekettik mekemelerde jumys isteıtin qyzmetkerlerge tegin aǵylshyn tili kýrsyn júrgizdi. Mine sonyń nátıjesinde aýdandyq ortalyq kitaphananyń oqý zalynda «Amangeldi aýdany ákimdiginiń mádenıet jáne tilderdi damytý bólimi» men Amangeldi aýdandyq tilderdi oqytý ortalyǵynyń uıymdastyrýymen aǵylshyn tili kýrsy boıynsha bastapqy deńgeıde oqyǵan tyńdaýshylarǵa sertıfıkattar tapsyryldy.
Turǵyn úı kólemi artty
Qarasý
Aýdanda áleýmettik salanyń jas mamandary úshin toǵyz turǵyn úı salý qolǵa alyndy. Bul bastama Qarasý aýdanynyń áleýmettik damýy men abattandyrylýy baǵdarlamasy aıasynda júzege asyrylmaq. Úı salýǵa aýyl sharýashylyǵy taýarlaryn óndirýshiler atsalysyp, qarjylyq kómek jasady. Úıler Qarasý aýylynda boı kóteredi. Jańa qonystanýshylar tiziminde medıtsına qyzmetkerleri, pedagogtar bar.
Qoǵamdyq keńes qurylmaq
Qamysty
Aýdannyń qoǵamdyq keńesin qalyptastyrý jónindegi jumys tobynyń múshelerin irikteý boıynsha konkýrs ótkizý bastaldy. Qoǵamdyq keńes jumys tobynyń quramyna kiretin úmitkerlerden arnaıy qujattar suralady. Azamattyq qoǵam atynan ókildik jumys toby músheleriniń jalpy sanynyń keminde úshten ekisin quraıdy jáne kommertsııalyq emes uıymdar men azamattardyń usynystary negizinde qalyptastyrylady.
Mýzeı bólmesi ashyldy
Meńdiqara
«Rýhanı jańǵyrý» baǵdarlamasy sheńberinde jáne Memleket basshysy N. Nazarbaevtyń «Uly dalanyń jeti qyry» maqalasyn júzege asyrý maqsatynda Borovskoı óner mektebinde mýzeı bólmesiniń ashylýy ótti. Mýzeı bólmesinde eksponattar az bolǵanymen, bolashaqta ekspozıtsııalar sanyn kóbeıtýdi josparda bar. Munda Uly Otan soǵysynyń ardageri D. Muqanovqa tıesili eski patefon áli de jumys istep tur. Sondaı-aq, 18 ǵasyrda jasalǵan samaýyr, ulttyq kıim men zergerlik buıymdar bar.
