Арқалықтың алтын жастары

 Арқалықтың «Сайора» мейрамханасында дәстүрлі «Алтын кітап-2018» қалалық іс-шарасы өткізілді. Биылғы "Алтын жастарды" марапаттау шарасын қалалық ішкі саясат бөлімінің Жастар ресурстық орталығы көңілді кеш ретінде ұйымдастырды. Жалпы, шараның мақсаты – түрлі салада жетістікке жетіп жүрген жастарды насихаттау, ынталандыру.

  "Алтын кітапқа" есімдері енген жастарды қала әкімі Эльдар Күзенбаев құттықтау сөз сөйлеп, марапаттады. Атап айтқанда, түрлі аталымдар бойынша: «Мәдениет» – Н.Құлжанова атындағы Торғай гуманитарлық колледжінің оқытушысы, «Мен қазақпын» дәстүрлі әншілер, термешілер мен күйшілердің республикалық телевизиялық мега жобасының «Үздік аймақтық күйші» жеңімпазы, Халықаралық «Урал – Моңо» фестиваль-конурсының «солист-аспапшы» ІІ дәрежелі диплом иегері Ерлан Шәкіров. «Таңғы шұғыла» балалар фестивалінің Гран при иегері Дидар Қасымов, «Жастар көшбасшысы» – «ЖАСА» еріктілер штабының жетекшісі Дүйсен Қияшов. «Спорт» – қазақ күресінен спорт шебері, «Арқалық барысы – 2018» жеңімпазы Нұрсұлтан Сәлімжанов, ҚР спорт шебері, қазақ күресінен 23 жасқа дейінгі ересектер арасындағы ҚР чемпионатының І орын иегері Жасұлан Бекболат, «Білім» – республикалық «Жас білімпаз» ғылыми жұмысының 1 дәрежелі диплом иегері Гүлім Жұмабекова, Родина орта мектебінің 10-сынып оқушысы. Қалалық дәстүрлі «Абай оқулары» байқауының екі мәрте 1-орын иегері Нұрсұлу Орынбаева. «Ерекше қоғамдық белсенділігі үшін» – жастар арасындағы қоғамдық мәдени өміріне белсенді қатысушы Мәди Марат, «Жас ғалым» – "Қазтұтынуодағы" Арқалық көпсалалы колледжінің шәкірті, студенттер арасындағы республикалық ғылыми сайыстың І дәрежелі дипломы және «Дарынды шәкірт» төсбелгісінің иегері Ерасыл Өмірзақов, «Рухани қазына» – Дала өлкесі тарихы облыстық музейінің ғылыми қызметкері, «Торғай ақындарының антологиясы» 3 томдық кітабының құрастырушы және жауапты шығарушысы, ақын Батырлан Сағынтаев, «Тәрбие және білім» – білім беру жүйесінің дамуына және өскелең ұрпақты тәрбиелеуге қосқан үлесі үшін жас ұстаз Бауыржан Шәкіров марапатталды.

   Марапат иелеріне арнайы сертификат пенстатуэтка табысталды. Сондай-ақ, жастар саясатына елеулі үлес қосып жүрген «Іскер жастар кеңесі» ҚБ төрағасы Дархан Кикимов, «Жалын» жастар ұйымының жетекшісі Ботагөз Бек, қалалық «Жайдарман» ойындарының белсенді ұйымдастырушысы Данияр Қожахметов, «Zhas-A.» еріктілер штабының белсенді еріктісі, «Үздік ерікті-2018» байқауының жеңімпазы Жансая Қабден, Арқалық политехникалық колледжі жастар комитетінің көшбасшысы Әділет Сарбаев, қаланың мәдени-қоғамдық өміріне белсенді атсалысушы өнерпаз, республикалық, облыстық байқаулардың жеңімпазы Минара Қадіровалар қала әкімінің Алғыс хатымен марапатталды.

 

                                                Мұрат Жүнісұлы

                                    Арқалық қаласы.