Жойқын жол апаты. Үш адам қаза тапты
Қостанай облысында, Рудный – Қашар күре жолында екі автомобиль соқтығысып, үш адам қаза тапты, тағы екі адам жарақат алған, деп хабарлайды ҚазАқпарат тілшісі Қостанай облыстық полиция департаментінің баспасөз қызметіне сілтеме жасап.
«20 желтоқсан күні таңғы 09:00 шамасында Рудный – Қашар автожолында «Ауди» және «Дэу Нексия» автомобильдері соқтығысқан. Апат салдарынан 3 адам қаза тауып, екі адам түрлі жарақаттармен ауруханаға жеткізілді», – делінген хабарламада. Әлеуметтік желіде жан түршігерлік жол апатының видеосы тарады.
