Елбасы Қостанайға келді
Бүгін Қазақстан Республикасының Президенті Н.Ә.Назарбаев жұмыс бабындағы екі күндік сапармен Қостанайға келді.
Елбасы қоңыр күзде астықты өлкенің тыныс-тіршілігін өз көзімен көріп, диқандармен жүздесуді дәстүрге айналдырған.Бұл жолы да солай болды. Ол ауыл шаруашылық тауарын өндірушілерімен келелі кеңес өткізіп, бұл саланың алдында тұрған іргелі міндеттерді атап көрсетті.
Содан кейін Қазақстандағы қара металлургия алыбы-Соколов-Сарыбай кен өндірістік бірлестігінің жұмысымен танысты. Жұмыс істей бастағанына 60 жыл толған іргелі кәсіпорынның перспективасы туралы байыпты әңгіме қозғалды.
