Ең жоғары зейнетақы қанша?

Қазақстандағы ең жоғары зейнетақы аталды, – деп хабарлайды Tengrinews.kz тілшісі. БЖЗҚ мәліметтеріне сәйкес, 2018 жылдың 1 қазанындағы жағдай бойынша зейнетақы жинағының жалпы сомасы 8,9 триллион теңгеге жеткен. 2017 жылдың қазанындағы көрсеткішпен салыстырғанда 18 пайызға, яғни 1,4 миллион теңгеге көп. Ал 2018 жылдың басынан бері 1,1 триллион теңгеге (14 пайызға) көбейген.

"Зейнетақы төлемінің ай сайынғы минимал мөлшері (графикке сәйкес) –  15 273 теңге, ай сайынғы орташа төлем – 20 179 теңге, ал ай сайынғы максимал төлемі – 337 059 теңге", – деді БЖЗҚ АҚ басқарма төрағасының орынбасары Сәуле Егеубаева.

БЖЗҚ мәліметінше, 2018 жылдың 9 айында жалпы сомасы 338,3 мың теңге болатын зейнетақы шоты ашылған.  Зейнетақы жинақтарының басым бөлігі міндетті аударымдар екені айтылады. Ол аударымдар 8,7 триллион теңгеге жеткен. Ай сайынғы орташа аударымдардың сомасы – 15,6 мың теңге. Ал биылғы 9 айда аударымдардың мөлшері 617 миллиардқа жеткен.