Мал шаруашылығы базасы өртенді
Төтенше жағдай күні кеше Науырзым ауданында болды. Бұл туралы облыстық ТЖД баспасөз қызметі хабарлайды.
Алапат өрт Бревестник ауылынан 25 шақырым жерде сағат 5.30-да басталған. Жеке шаруа қожалығына тиесілі мал базасы отқа оранды.
Алапат өрт Бревестник ауылынан 25 шақырым жерде сағат 5.30-да басталған. Жеке шаруа қожалығына тиесілі мал базасы отқа оранды.
"Өрт 600 шаршы метрді қамтыды. Бес сарай, аумаққа оқшаулап тасталған кішігірім шөмелелі шөп және орама қамыстар өртенді. Өрт сөндірушілер келгенге дейін бір ат және төрт бұзау өлген", – делінеді ТЖД хабарламасында.
Тілсіз жаудың шығу себебі анықталып жатыр.
