Жас отбасы үйсіз қалды
Оқыс оқиға 17 қыркүйекте Қостанай қаласының Узкая колея шағын ауданында болған, – деп хабарлайды alau.kz.
Немолчаевтер отбасы туыстарынан қонақтан келе жатып, үйлерінің маңайынан өрт сөндірушілерді көрген. Тілсіз жау баспананы тып-типыл етіпті. Қайта қалпына келтіруге мүлде жарамайды. Мамандар өрттің электр желісінің қысқа тұйықталуынан пайда болғанын айтады.
![Пожарррр](https://old.kostanaytany.kz/wp-content/uploads/2015/05/pozharrrr.jpg)
"Біз қазір бір жасар баламызбен туыстарымызды паналап отырмыз, бірақ енді пәтер жалдауымызға тура келеді. Баламызға киім-кешектей көмектескен қайырымды жандарға рахмет айтамыз. Ал күйеуіміз екеумізде қыстық киім атымен жоқ, бәрін өрт жалмады. Не үй, не киім, не азық-түлік қалмады. Қайырымды жандардан бізге көмек қолын созуды өтінеміз", – дейді шарасыз Виктория Немолчаева.