Затобол кентінің тұрғыны Дарья Махартованың өлімі қоғамда қызу пікір тудырып еді. Бұған дейін облыстық ІІД баспасөз қызметі 18 жасар қызды өлтірді деген күдікпен 26 жастағы жігіттің ұсталғанын хабарлаған болатын.![dav](https://old.kostanaytany.kz/wp-content/uploads/2018/08/img_20180816_160257.jpg)
dav
Бүгін облыстық ІІД-нде осы атышулы қылмыстық іске қатысты арнайы брифинг өтіп, онда Дарья Махартованы өлтірді деген екінші күдіктінің ұсталғаны жайында белгілі болды.
![bezyimyannyiy](https://old.kostanaytany.kz/wp-content/uploads/2018/08/bezyimyannyiy1.jpg)
– Қазіргі таңда тергеу құпиялылығына байланысты, кейбір мәліметтер жарияланбайды. Бір айтарымыз, қылмыстық істі ашу барысында өте ауқымды жұмыстар жүргізілді. ҚР ІІМ, облыстық ІІД-нің тәжірибелі мамандары жұмылдырылды. Қостанай мен Затобол кентінің адам өлімі болған аумаққа жақын орналасқан мейрамхана, дәмхана, қонақ үй және жол бойындағы бейне камералары тексерілді. Қылмыс болған күні Қостанай-Затобол тас жолы бойымен өткен көліктерді «АвтоУраган» стационарлық құрылғылары бойынша тексеріп шықтық. Жақын маңдағы тұрғындардан сұрастырдық. Психикалық, наркологиялық есепте тұрғандар, мерзімінен бұрын қамаудан босағандар, қоныс колониясынан келіп-кетіп жүретіндер мен облыстық ІІД көші-қон қызметінің есебінде тұрған мигранттардан жауап алынды. Бейне бақылау камераларының көмегімен қылмыстың жалпы сұлбасы жасап шығарылды. Ұсталған күдіктінің екеуі де ҚР азаматтары, – деді облыстық ІІД Штаб-басқармасының бастығы Мейрам Қажкенов.
![12345](https://old.kostanaytany.kz/wp-content/uploads/2018/08/12345.jpg)
Сонымен қатар, полиция өкілдері Д.Махартова өліміне қатысты жедел тергеу-іздестіру барысында бұдан бөлек әр түрлі деңгейдегі 41 қылмыс ашылды деді.
Қыдырбек Қиысханұлы
Суреттерде: Брифингтен; Күдіктілер кескіндемесі; Оқиға желісі бойынша жасалған фотосуреттер