ЕГІСТІК КҮНІ: облыс диқандары бас қосты
Қостанай диқандары биылғы "Егістік күнін" Федоров ауданының Пешков селолық округінде өткізді. Шараға облыс әкімінің орынбасары Ғауез Нұрмұхамбетов арнайы қатысты. 
Мереке жылдағыша көрме түрінде өткізіліп, қатысушылар назарына облысымыздың агроөндірістік кешенінде қолданылатын техника түрлері мен әдістемелер, тәжірибелер ұсынылды. Жиылған көпшілік минералды тыңайтқыштар және шөпжойғылармен, астық жинағыш комбайн, дестелегіш, тұқым сепкіш, жер өңдеуіш агрегаттардың сан түрімен танысты. 
Шара аясында пленарлық жиын ұйымдастырылып, биылғы дала жұмыстарының хал-жайы, өзге де өзекті мәселелер талқыға алынды.
Толығырақ газетіміздің алдағы нөмірінен оқи аласыздар.
Нұрқанат Құлабаев
