«MAGIA ITALIANA»: жерлесіміз жеңімпаз!

30 маусым мен 6 шілде аралығында Италияның Римини қаласында «MAGIA ITALIANA» XVII Халықаралық өнер фестивалі өтті. Бұл туралы "Облыстық көркемөнерпаздар халықтық шығармашылығы орталығы" ҚМКМ хабарлайды.

Фестивальдің іріктеу сатысында 6-16 жас аралығындағы бишілер, әншілер өз таланттарын көрсетті. Фестивальге Қазақстан, Польша, Беларуссия, Болгария, Украина сынды елдерден барлығы 240 жас дарын қатысты. Қазақстанның намысын қостанайлық  балдырған, "Алтын микрофон-2018" халықаралық вокалдық байқауының жеңімпазы Полина Косенко қорғады. «MAGIA ITALIANA» XVII Халықаралық өнер фестивалінде де Полинаның бағы жанды. Ол "Эстрадалық орындау" аталымы бойынша 1-орын жеңіп алды. 

Айта кетейік, П.Косенкоға облыстық мәдениет басқармасы қаржылай демеушілік көрсетті. 

 

Сурет интернеттен алынды