Сот үкімі шықты

Қостанай облысының қылмыстық істер бойынша мамандандырылған сотында Рудный қаласының тұрғыны, кәсіпкер Евгений Антоненконың өліміне қатысы бар деп  айыпталған күдіктілерге үкім шығарылды.

Бірақ, негізгі сезіктілер  сотқа тартылмады.Себебі, олар  шетелде бой тасалап жүргендіктен,   іздеу жарияланды. Сот үкімімен кісі өліміне қатысы бар бір күдікті 12 жылға бас бостандығынан айырылып, қатаң тәртіптегі  түзету колониясында жазасын өтеу белгіленді. Ол 5 Қылмыстық  Кодекстің бабы бойынша айыпты деп танылды. Ал, оның қасындағы серігі  4 жыл жалпы тәртіптегі  түрмеде жазасын өтейтін болды.
Тағы екеуі 1 жылға бостандығынан айырылды.
Естеріңізге сала кетейік, бизнесмен Евгений Антоненко өткен жылдың соңында Рудный қаласында ұрланған болатын. Қылмыскерлер оның жансыз  денесін жасырып, HUMMER маркалы автокөлігін өртеп жіберген.

 

Мешіт Ғазиз