Жерлесіміз “Нұр Сұңқар” сыйлығын иеленді

Ақпарат және байланыс күні қарсаңында Астанада «Нұр Отан» партиясының журналистер арасындағы «Нұр Сұңқар» дәстүрлі байқауының жеңімпаздарын марапаттау рәсімі өтті. Үздіктер қатарында лисаковтық әріптесіміз Тимур Қазағұлов бар.Партия Төрағасының бірінші орынбасары Мәулен Әшімбаев өз сөзінде байқауға 800 үміткер қатысқанын, әр жұмыстың сапалы болғанын айтты. Осылардың ішінен небәрі 10 үздік қана таңдалды. Олардың ортасында "Акцент" Лисаков қалалық телеарнасының бас редакторы Тимур Қазағұлов бар. Жерлес әріптесіміз "Ең үздік телевизиялық журналист" бағытының "Көзқарас" аталымы бойынша жеңімпаз болды.