Оқыс оқиғадан қаза тапты
Лисаков қаласында кішкене 6 жасар бала темір есіктің астында қалып, қаза болды, деп хабарлайды облыстық ТЖД баспасөз қызметі.
Ведомствода мәлім етілгендей, оқиға Лисаков қаласындағы көпқабатты үйлердің бірінде болған. «ЖиҺаздарды далаға шығарып жатқан уақытта үйдің темір есігі абайсызда құлап кеткен. Есіктің астында 2012 жылы туған бала қалып қойған. Ол бірден қалалық ауруханағы жеткізілді. Жарақат салдарынан бала ауруханада көз жұмды», – делінген ТЖД баспасөз қызметі таратқан хабарламада.
