Комитет кубогына кім лайық? (ФОТОРЕПОРТАЖ)
Бүгін ҚР Денсаулық сақтау министрлігі Қоғамдық денсаулық сақтау комитетінің аумақтық бөлімшелері арасында волейболдан және шағын футболдан республикалық іріктеу турнирі өтті. Доп додаларында комитет төрағасының кубогы сарапқа салынады.
Облыстағы қоғамдық денсаулық сақтау департаментінің ұйытқысымен Ақмола, Қарағанды, Қостанай, Павлодар, Солтүстік Қазақстан облыстарының және Астана қаласының командалары, сондай-ақ "Транзит" құрамасы Қостанайда жолықты. Спорттық шараның ашылуында айтылғандай, бұл жарыстарды өткізудегі негізгі мақсат – ҚР Президенті Н.Ә. Назарбаевтың "Төртінші өнеркәсіптік революция жағдайынлағы дамудың жаңа мүміндіктері" атты биылғы халыққа Жолдауындағы "Үздік денсаулық сақтау ісі және дені сау ұлт" тапсырмасының 7 бағытын іске асыру. Жастар арасында "Өзіңнен баста" ұранымен салауатты өмір салтын насихат ету әрі бұл шараны медицина қызметкерлері күніне арнау көзделген.
Сонымен, ақ халаттарын уақытша спорт жейдесіне ауыстырған, ылғи жас маманнан жасақталған волейболшылар №10 мектептің спорт залында сынға түсті. Ал шағын футболдан шеберлік сынасуға келгендер №16 мектептің ауласындағы алаңда бәсекелесті.
Ә дегеннен-ақ ақмолалықтар және "Транзит" командасы айырықша көзге түсті. Кәсіпқойларға бергісіз өнер көрсетті десе де жарасады. Айла аңдысқандар арасында астаналықтар да алғырлық танытты. Қарсылас аймағына олар діттеген доп дөп түсіп жатты. Бір "әттеңі" – жерлес команданың шымырлық таныта алмауы. Әуелі Солтүстік Қазақстан облысына есе жіберіп, кейін елордалықтардан ойсырай ұтылды…
Суреттерді түсірген Бердіболат Көркембаев
Не Транзит, а Транспорт надо было написать …
Жақсы, өзгертеміз