Әрдайым құрметке ие
Ұлы жеңістің 70 жылдығы қарсаңында Аманкелді аудандық орталық кітапханасының мәжіліс залында "Ешкімде ұмытылмайды, еш нәрсе ұмыт қалмайды!" атты соғыс және еңбек ардагерлерімен кездесу өтті. Шара барысында өздерінің ерлік істері, еңбек жолдарымен бөліскен қариялар оқырмандармен еркін сұхбат құрды.
– Біздің ардагерлер қандай да болса құрметке лайықты.Бүгінгі ұйымдастырылған кеш болсын, –басқа да мәдени шараларда бізді аудан басшылары бастап елеу-сіз қалдырмайды. Кейінгі ұрпақ-қа бақытты келешек тілейміз,біз көргенді көрмесін, – дейді аудандық ардагерлер кеңесінің төрағасы Б.Уахитов.
Әсерлі әңгімеден соң аудандық мәдениет және тілдерді дамыту бөлімінің басшысы Раушан Аманкелдіқызы қарияларға сый-сияпат көрсетті. Ал аудан өнерпаздары әннен шашу шашып, ардагерлердің ақ батасын алды.
Күнжан Әбеу.
