Отбасы мәселелері бойынша кеңес беру орталығы ашылды

Қазақстан мұсылмандары діни басқармасы 2018 жылды – «Ислам және отбасы жылы» деп жариялады. Осыған орай Қостанай облыстық Аймағанбет қажы Спанұлы мешітінде  семинар өтті.Аталмыш іс-шараға өкіл имам Бахытбек Нұрғабылұлы «Исламдағы жанұя үкімдері» тақырыбында келелі әңгіме қозғады.Сондай-ақ, Ахмет Байтұрсынов атындағы Қостанай мемлекеттік университетінің профессоры, мешіттің алқа мүшесі Қалқаман Жақып семинарға қатысушыларға «Балаға дұрыс ат қою» мәселесі бойынша танымдық лекция оқыды.Облыстық дін істері жөніндегі басқармасының бас маманы Сапар Әбдиев жастарға «Үйлену оңай, үй болу қиын» деген тақырыпта жан-жақты әңгімеледі.

Семинар соңында семинарға қатысушы жастар баяндама жасаған белгілі азаматтарға көкейде жүрген сауалдарын қойып, нақты жауап алды.Сонымен қатар, «Ислам және отбасы жылы» аясында ҚМДБ-ның Қостанай облысы бойынша өкілдігінің жанынан отбасы мәселелеріне  байланысты «Кеңес беру орталығы» ашылып, оған найб имам Сыздықов Дархан Манарбекұлы жетекшілік етеді.

 

ҚМДБ-ның Қостанай облысы бойынша өкілдігінің баспасөз қызметі