Науқан бейқамдықты көтермейді

Облыста көктемгі егіс жұмыстарын өткізуге әзірлік жұмыстары қыза түсті. Облыстық ауылшаруашылық басқармасы басшысы Дархан Әбікәрімовтың айтуынша, үстіміздегі жылы барлывғы 5 млн 228,9 мың гектар алқапқа дән сіңірілмек. Оның 3 млн 487 мың гектары бидайдың еншісінде. Биыл арпа егілетін алқап 32 мың гектарға ұлғайып, 337 мың гектарға жетті. Дәнді-бұршақты дақылдар да 32 мың гектарға, ал қарақұмық алқабы 1,4 мың гектарға артты. Майлы дақылдардың көлемі 444,3 мың гектарға өскен.

Дала жұмыстарына барлығы 20 мыңға тарта трактор, 840 егін себетін комплекстер, 1 мың бүріккіш, 22 мың тұқым сепкіш қатыстырылады. Науқандық жұмыстарға техникалар дайын. Тек, Науырзым, Федоров, Таран сияқты жекелеген аудандарда техника әзірлігі 88%. 15 сәуірге дейін барлық техника сапта тұруы тиіс. Қажетті сұйық отын мәселесі де шешімін тапқан. Көктемгі дала жұмыстарын өткізуге барлығы 71 мың тонна дизельдік отын қажет. Әзірге облыс терминалдарында 10 мың тонна дизель отыны бар. Биыл оның бағасы 1 литрге 151 теңге деп белгіленді. Кеңесте аудан,қала әкімдеріне шаруашылықтардың жанар-жағар маймен дер кезінде қамтылуы үшін бақылау жасау қажеттігі міндеттелді.

-Биылғы жылы шаруалар 22 мың тонна минеральды тыңайтқыш сатып алуға тиіс.  Қазірдің өзінеде 12,5 мың тонна тыңайтқыш алуға келісім-шарт жасалды. Оның ішінде 5,9 мың тонна тауардың құны төленді. Бұл мақсатқа 1 млрд 177 млн теңге субсидия бөлінді, – дейді облыстық ауылшаруашылық басқармасының басшысы.

 

Әлібек ЫБЫРАЙ