Челябіден чемпион болып оралды

Ресейдің Челябі қаласында жасөспірімдер арасында самбодан чемпионат өтті. Бұл бозкілем бәсекесіне Қорған, Түмен, Свердлов облыстарынан, Башқұртстаннан, Миасса, Златоуст, Тройцк, Қостанай облысының Рудный қаласы мен Қарабалық ауданынан барлығы 350 спортшы қатысты. Бұл ауқымды жарыста қарабалықтық Ержан Сағымбаевтің асығы алшысынан түсті. Ол 28 келі салмақ дәрежесінде өнер көрсетіп, алты бірдей қарсыласының жауырын жер иіскетті.

Мұның сыртында, Дияр Хасанов пен Данияр Беркімбаевтердің де жүлдегерлер қатарынан көрінгенін айта кеткен жөн.