Саяси кеңестің отырысы өтті
"Нұр Отан" партиясы Арқалық филиалының саяси кеңесінің мәжілісі өтті. Жиында партияның сайлау алды бағдарламасының жергілікті жердегі орындалуы қаралып, "Сыбайлас жемқорлыққа қарсы 2015-2025 жылдарға арналған жаңа бағдарламасы" талданды.
Сайлау алды бағдарламаның орындалуы жөнінде қалалық ауылшаруашылық бөлімі, жұмыспен қамту және әлеуметтік сала бөлімдерінің басшылары хабарлама жасады. Ал, жаңа бағдарламаға тоқталсақ: – "Сыбайлас жемқорлыққа қарсы қолданыстағы бағдарламада "Қазақстан–2050" партияның саяси доктринасы, Еуразия экономикалық одағының саяси экономикалық және құқық басымдылықтарына мән берілмеген. Қазіргі талап- тарға сәйкестендірілген бағдарламаның жобасы ұсынылып отыр, – деді филиал төрағасының бірінші орынбасары Нұрлан Хамзин.
Шараға саяси кеңестің мүшелері, қалалық мәслихат депутаттары, мемлекеттік мекемелердің, үкіметтік емес ұйымдардың басшылары, бастауыш партия ұйымдарының төрағалары және БАҚ өкілдері қатысты.
Мұрат
ЖҮНІСҰЛЫ
Арқалық қаласы.
