Екі айда 17 келі есірткі тәркіленді

Қостанай облыстық ішкі істер департаментінің баспасөз қызметі хабарлағандай, "МАК-2014" шарасы қолға алынғалы есірткі айналымына  қатысты 56 қылмыс тіркелді.

Соңғы үшеуін есірткі бизнесімен күрес басқармасының мамандары Қостанай, Рудный қалалары мен Федоров ауданында анықтаған. Екі қалада да тиым салынған зат қызметтік иттің көмегімен әшкереленді. Рудныйлықтың пәтерінен табылған есірткі 6 грамм, қостанайлықтың көлігінен шыққаны 2 грамм. Күдіктінің екеуі де қамауға алынды.   "МАК-2014"  алдын алу жұмысы қазан айының аяғына дейін жалғаспақ.