Сәлемдемелер супермаркеті ашылды
Мұндай жоба алғаш рет ТМД-да жүзеге асырылған. "Қазпошта" АҚ облыстық филиалының қызметкерлерінің айтуынша, бұл супермаркет Қостанай қаласында тұңғыш рет ашылып отыр. Орналасқан жері – Абай даңғылындағы 16-ғимарат.
Бұл супермаркеттің артықшылығы мен қолайлылығы сол – сәлемдемелерді жолдау мен қабылдау процесін іске асыру уақытын мейлінше қысқартады. Ал компания үшін де өндірістік шығындар да кемиді.
Қызметкерлер сөзінше, электронды мүмкіндіктің ықпалы арқасында соңғы уақытта сәлемдемелер легінің айтарлықтай көбейгенін айтады. Өйткені өзіндік қызметке негізделген супермаркет уақыт ұтудың ұтымды жолы ғана емес, сапаның да кепілі. 
Келесі аптада Қостанайдың орталығындағы филиалда кезекті супермаркет қолданысқа енгізіледі. Ізінше, бұл жаңашылдық алыс-жақын аудандарға да жетпек.
