“Мырзакөл” атауы неге ұмтылды?

Мен білетін Әулиекөл ауданында сонау өткен ғасырдың жиырмасыншы жылдары іргетасы қаланған іргелі ауыл  –  "Мырзакөл" деп аталатын. Бүгінде сол ауыл небір шырғалаңды бастан кешсе де, бүгінде әлеуеті артып шаруашылыққа айналды. Бірақ неге екенін білмеймін, "Мырзакөл" деп аталатын әдемі атауы жоқ. Осының мәнісін түсіндіріп  беріңіздерші.

Сайлаубай Әбішев.

Әулиекөл ауданы.

Редакциядан: Осы орайда  Әулиекөл ауданындағы Диев   ауылдық  округінің  әкімі  Балтабек  Жұмағалиевпен  хабарласқанымызда,  мынандай  айғақты хат-хабар алдық:  

– Қазіргі  "Диев" "Агрофирмасы" серіктестігінің  мұрағатында    сақталған   мәліметтер  бар.  Онда  1929  жылы  "Мырзакөл"  совхозы  ашылғаны  туралы  атап  өтілген.  Бірер  жылдасын  совхоз  жабылып   қалады.  "Мырзакөл"  бөлімшеге  оңтайланып, "Сұлукөл"  совхозы  қарамағына берілген, –  дейді  әкім, – 1944  жылы осы  "Мырзакөл" бөлімшесі  негізінде  "Диев"  совхозы  құрылды. Орталық  мекен  "Мырзакөл"  ауылы   сол   кезде    шаруашылықтың    №1   бөлімшесіне айналды. "Диев"  "Агрофирмасы "  серіктестігінің   бүгінгі  күнгі   ресми   құжаттарында  орталық  мекен  №1  бөлімше  аталып жүр. Үшқарасу  ауылы № 2,  Қоскөл (Пограничный)   № 3   бөлімше  деп  аталады.