Қашқынға – қосымша мерзім

№2 қалалық сот УК 161/11 мекемесінен қашуға әрекеттенген жазасын өтеуші Руслан Юсубовқа қатысты қылмыстық істі қарады. Бұл туралы облыстық соттың баспасөз қызметі хабарлайды. Сот үкімімен Юсубов кінәлі деп табылып, жаза өтеу мерзімі 2,5 жылға ұзартылды. Ол орташа қауіпсіз қылмыстық-атқару жүйесінің мекемесінде қылмысын жуады.

Естеріңізге салсақ, ол былтыр 27 қарашада өнеркәсіп цехының шатырынан секіріп кету арқылы өз еркімен мекеме аумағынан қашып шыққан болатын. Іздеу салынғаны туралы ақпарат қоғамдық орындарда, әлеуметтік желілерде таратылған еді. Көп ұзамай құрықталды.