Аймақтық футбол жарысы өтті
Аманкелді ауданында өмірден ерте өткен полиция қызметкері Жомарт Аймағанбетовтың рухына бағышталған аймақтық спорт сайысы өтті. Сайысқа Арқалық қаласы мен Аманкелді ауданының тәртіп сақшылары, одан өзге 10 команда қатысып, бақ сынасты. Командалар 4 топқа бөлініп, әр топ жеңімпаздары анықталған соң, жартылай финалға жолдама алды.
Нәтижесінде Қарасу ауылының командасы 1-ші орынды иеленіп, кубок және бірінші дәрежелі дипломмен марапатталды. 2-ші орынды – аудан әкімі аппаратының командасы, 3-ші орынды – спорт мектебінің командалары еншіледі. Оларға да тиісті сый-сияпаттар көрсетілді.
