Дычконың кезекті нокауты

Қазақстандық боксшы Иван Дычко (2-0, 2КО) кәсіпқой рингтегі үшінші жеңісіне қолжеткізді. Бұл туралы ҚазАқпарат «Қазақстан кәсіби боксының» ВКонтакте әлеуметтік желісіндегі тобына сілтеме жасап хабарлайды. АҚШ-тың Флоридада штатында өткен бокс кешінде қазақстандық  қарсыласы  мексикалық Карлос Сандовалды (10-14-1, 6КО) бірінші раундта техникалық нокаутпен жеңді.

Айта кетейік, Карлос Сандовальдың лақап аты – «Супермэн». Ол кәсіпқой бокста барлығы 25 кездесу өткізіп, оның 10-да жеңіске жеткен. Кәсіпқой рингке 1997 жылы көтерілді. Ол кезде Дычко небәрі 7 жаста болатын.