«Екпесіз қажылыққа баруға болмайды»
Араб түбегінде асқынып тұрған түйе тымауына қарсы екпе егілмеген қазақстандықтар қажылыққа бара алмайды. Қауіпсіздік шарасы мақсатында қолға алынған бұл шектеу аясында екпе егілмегендерге виза берілмей.
Еліміздің бас санитар-дәрігері Жандарбек Бекшин қажылық парызын өтегісі келгендерге Сауд Арабиясына сапарларын кешіктіре тұруға кеңес беруде. Аталмыш вирус кесірінен соңғы екі ай ішінде 115 адам қайтыс болған.
Бұл айтылғандрға қарамастан, қажылыққа барғысы келетіндер үшін Алматы қаласында қарсы екпе егу жұмыстары басталды. Осыған орай, Қазақстандағы туристтік компаниялар мен қажылық ұйымдары құжаттарды рәсімдеу барысында екпе алғандығы жайлы анықтаманың болуын міндеттеп отыр.
Қажылық маусым кезінде Мекке шаһары меймандарының саны 2 миллионнан асып жығылады.
