Алашорданың 100 жылдығына арналады
Дәл қазір Таран ауданында Елбасының "Болашаққа бағдар: рухани жаңғыру" бағдарламалық мақаласы аясында Алашорданың 100 жылдығына арналған ғылыми-тәжірибелік конференция өтуде. Іс-шараға белгілі қаламгерлер – Қайсар Әлім, Ақылбек Шаяхмет, Нағашыбай Мұқатов қатысуда. Конференция модераторы – Жанділдә Мақанов. 
Келелі мәжіліс екі күнге созылмақ. Мәдени шаралар ұйымдастырылады. Ақындар айтысы өтіп, жиылған жұртшылыққа "Ақынның тағдыры" атты спектакль көрсетіледі. Конференция аяқталған соң Алматы баспасынан аталған тұлғалардың және ғылым докторларының мақалалары жинақ болып жарық көреді.
