Көше ортасымен ұшақ жүріп өтті

Күні кеше қала тұрғындары көше бойымен жүріп өткен ұшақты қызықтап, суретке, бейнетаспаға түсіріп, ғаламторда талқылаған еді… Бұл "Ақ-сұңқар" авиакомпаниясына тиесілі істен шыққан ЯК-40 ұшағы болып шықты. Ол әуежайдан Затоболға көшілірілді.

Мұны авиакомпания президенті Владимир Досмағамбетов мәлімдегенін жазды alau.kz тілшісі.  ЯК-40 табаны күректей 44 жыл қызмет көрсеткен. Оны қайта жөндеудің мәнісі жоқ әрі көп шығын қажет етеді.

"Бұл ұшақта облыстық бұрынғы әкімі С.Кулагин, көптеген министрлер сан мәрте әуе жолына көтерілген. "Дәурені өткен" соң оны Қостанай әуежайынан Затоболдағы өзінің аэродромына тасымалдадық. Енді ЯК-40 оқу-жаттығу көмекшіне, сондай-ақ экскурсиялық нысанға  айналады.  Арнайы ангар саламыз", – дейді В.Досмағамбетов. 

 

 

Ұшақты Затоболға жеткізу үшін оның қанаттары мен артқы бөлігі кесілген. Тасымалға мамандар екі ай дайындалған. Бұның сирек, күрделі шаруа екенін айтады олар. Діттеген жерге дейін 4 сағат ішінде 36 шақырым жол жүрілген.