Мектептерде сабақ болмайды
Бүгін Қостанай қаласында күннің суытуына байланысты барлық мектепте бірінші ауысымда сабақ болмайды. Бұл туралы білім бөлімінің мамандары ақпарат берді.
"Ауа температурасы -27 градусқа төмендеді, үскірік жел жылдамдығы – 3 м/с. Қостанай қаласы мектептерінің 1-ауысымдағы 0-9 сынып оқушылары қашықтан оқыту форматына көшіріледі", – делінеді хабарламада.
Кейінірек қосымша мәлім етілгендей, 2-ауысымда оқитын 0-4-сынып оқушыларына да мектепте сабақ болмайды.
