Жол апатынан жылқы мерт болды
Қостанай-Астана бағытындағы тас жолының бойында көлік апаты болды. Қарасу ауданына қарасты Октябрь ауылының іргесінде жеңіл көлік жол жиегіндегі жылқыны соққан.
Облыстық ішкі істер департаментінің өкілі Әдібек Нұрмахинның мәлімдеуінше, Астана қаласынан Қостанайдағы үйіне бағыт алған «Тойота Камри» маркалы көліктің 53 жастағы жүргізушісі жылдамдықты шектен тыс асырған. Көлік тізгініне ие бола алмай қалған жолаушы жол жиегінде жайлып жүрген жылқыға соғылады.
Апаттың салдарынан жүргізуші мен екі жолаушы түрлі дене жарақаттарын алды. Ал, жануар оқиға орнында мерт болды. Қазіргі таңды оқиғаға қатысты тергеу амалдары жүргізіліп жатыр.
Мешіт Ғазиз
