Белгілі журналист өмірден озды
63 жасқа қараған шағында «Қазақ газеттері» ЖШС-нің бас директоры, редакторлар кеңесінің төрағасы Жұмабек Кенжалин өмірден озды. Бұл туралы "Қазақпарат" хабарлайды. 
Жұмабек Кенжалин 1954 жылы Қостанай облысы, Аманкелді ауданындағы Жданов атындағы кеңшарда дүниеге келген. 1981 жылы Қазақ Мемлекеттік университетін тамамдаған соң, «Социалистік Қазақстан» («Егемен Қазақстан») газетінде тілші, бөлім меңгерушісі, 1986-1988 жылдары «Білім және еңбек» («Зерде») журналында жауапты хатшы, бас редактордың міндетін атқарушы болды. 1990 жылдан «Халық кеңесі» газеті бас редакторының орынбасары, бірінші орынбасары, ал 1994 жылдың қаңтарына дейін осы басылымның бас редакторы қызметін атқарды. 1996-1997 жылдары «Ақиқат» журналының бас редакторы, 1997-1999 жылдары «Қазақ әдебиеті» газетінің бас редакторы. 1999-2006 жылдары «Қазақ газеттері» жабық акционерлік қоғамының президенті, «Қазақ газеттері» ЖШС-нің бас директоры, «Ана тілі» газетінің бас редакторы, 2006-2009 жылдары «Ақиқат» журналының бас редакторы болды. 2009 жылдың ақпанынан «Қазақ газеттері» ЖШС-нің бас директоры – редакторлар кеңесінің төрағасы қызметін атқарған еді.
Жұмабек Кенжалин 1954 жылы Қостанай облысы, Аманкелді ауданындағы Жданов атындағы кеңшарда дүниеге келген. 1981 жылы Қазақ Мемлекеттік университетін тамамдаған соң, «Социалистік Қазақстан» («Егемен Қазақстан») газетінде тілші, бөлім меңгерушісі, 1986-1988 жылдары «Білім және еңбек» («Зерде») журналында жауапты хатшы, бас редактордың міндетін атқарушы болды. 1990 жылдан «Халық кеңесі» газеті бас редакторының орынбасары, бірінші орынбасары, ал 1994 жылдың қаңтарына дейін осы басылымның бас редакторы қызметін атқарды. 1996-1997 жылдары «Ақиқат» журналының бас редакторы, 1997-1999 жылдары «Қазақ әдебиеті» газетінің бас редакторы. 1999-2006 жылдары «Қазақ газеттері» жабық акционерлік қоғамының президенті, «Қазақ газеттері» ЖШС-нің бас директоры, «Ана тілі» газетінің бас редакторы, 2006-2009 жылдары «Ақиқат» журналының бас редакторы болды. 2009 жылдың ақпанынан «Қазақ газеттері» ЖШС-нің бас директоры – редакторлар кеңесінің төрағасы қызметін атқарған еді.
Қазақстан Үкіметі жанындағы Мемлекеттік терминологиялық комиссия мүшесі, Алматы қалалық кеңесінің депутаты болып сайланған. 2004 жылы кандидаттық диссертация қорғап, саясаттану ғылымдарының кандидаты ғылыми дәрежесін алған.
«Желкілдеп өскен құрақтай», (1988, «Өнер»), «Шындықты шырақ етіп ұстаңыз» (1998, «Қазақстан»), «Ұлт рухын ұлықтаған ұрпақпыз» (2005, «Өлке») деп аталатын деректі әңгімелер мен эсселер кітаптарының авторы. Қазақстан Журналистер одағы сыйлығының лауреаты (1984), Қазақстан Республикасы Президент сыйлығының лауреаты (2006), ҚР Мәдениет және ақпарат министрлігінің «Мәдениет қайраткері» белгісімен марапатталған (2004). Қазақстан Журналистер Академиясының толық мүшесі – академигі (2001).
