Облыс әкімі қаланы аралады (ФОТОРЕПОРТАЖ)
Бүгін облыс әкімі Архимед Мұхамбетов 2-Совхозный көшесіндегі 75 пәтерлі тұрғын үйді қолданысқа берді. Баспана "Нұрлы жол" бағдарламасымен салынған. Жобалық-сметалық құжаттарын есепке алмағанда, құрылысқа 557 млн теңге бөлінген. Қазіргі уақытта облыс бойынша көпқабатты 25 үй салынып жатыр, бас-аяғы 1700 пәтер.
Өңір басшысы қуаныш иелеріне пәтер кілтін табыстап, мемлекеттік мереке Астана күнімен құттықтады. Бұдан соң облыс әкімі Орталық стадион мен "Әуежай" шағын ауданындағы құрылыс жұмыстарын бас сұқты. Келешекте "Әуежайда" жаңа мектеп пен спорт кешені бой көтермек.
Шаһардағы әр аулаға соғып, тұрғындармен тілдесті. Биыл барлық алаңқайлар абаттандырылып, жаңа кейіпке енеді. Облыс әкімі екі аптадан соң қаланы тағы да аралап шығатынын ескертті. 
Сондай-ақ, ол Абай көшесіндегі жөндеу жұмыстары мен "Макдональдс" рестораны мен "Қостанай Плаза" ойын-сауық орталығының құрылысымен танысты. Қала көркін аша түсетін ғимараттар күз айларынан бастап қолданысқа берілмек.
Толығырақ газеттің алдағы санынан оқи аласыздар.
Суреттерді түсірген Бағдат АХМЕТБЕКОВ.
