Жүрегі жомарт жан
Биылғы жылы қасиетті Рамазан айы Аманкелді ауданы Қарасу ауыл тұрғындары үшін ерекше ай болды. Ауылымызда намазхана ашылғаннан бері ораза ұстаушы жамағаттың қатары көбеюде. Тарауих намазына, жұма намазына келушілер де арта түсті.
Ауылымыздан шыққан белгілі кәсіпкер, қазіргі уақытта Арқалық қаласында тұратын Нұрлан Омаров атты бауырымыз намазханамызға киім ілетін орны бар кітап сөресін, компьютер үстелін, жамағатқа арнайы дөңгелек үстелдерін сыйға тартты.
Осындай ауыл тұрғындарының жүрегі жомарт ағамызға алғысы шексіз. Алла Тағала Нұрлан бауырымыздың отбасына амандық, деніне саулық берсін! Келесі жылғы Рамазан айына аман-есен жетуді Алла Тағала нәсіп еткей! – деп хабарлайды ҚМДБ-ның Қостанай облысындағы өкілдігінің баспасөз қызметі.
