Мүсінші грантқа ие болды

Қарабалық ауданының тұрғыны, қолөнерші Ертуған Шаймағамбетов бетоннан түрлі мүсін мен бұйымдар жасау үшін 603 мың теңге шамасында грантқа ие болды.

Қолөнерші Е. Шаймағамбетов мектеп қабырғасында оқып жүргенде-ақ балшық, ермексаз, балауызды илеп түрлі мүсіндер жасайтын. Алғаш балшықтан Лениннің бюстін жасап көпшіліктің назарын өзіне аударды. Кейін ағаш және өзге де металлдарды қолдана отырып үй жиһаздарын  жасаумен айналысты. Бүгінде мүсінші аудан әкімінің ұсынысымен жеке кәсіпкер ретінде тіркеліп, сүйікті ісін жандандыру үшін грантқа ие болып отыр.

Қымбат Досжанова