Анатолийдің жағдайы жақсарып келеді
Бұған дейін хабарлағанымыздай облыс орталығындағы коллектордың құрылыс жұмысы барысындағы қайғылы оқиғадан аман қалған Анатолий Мишалкин бүгін аурухананың жансақтау бөлімінен жай палатаға ауыстырылмақ.
Оны емдеп жатқан дәрігерлердің айтуына қарағанда, науқастың жағдайы жақсарып келеді. Енді алаңдауға еш негіз жоқ.
Сондай-ақ, өткен демалыс күндері Балқаш қаласынан оның туыс-туғандары да келіп жағдайын біліп кеткен. Өзі отбасымен телефон арқылы сөйлесіпті.
Қазіргі таңда Оны Қарағандыдағы ауруханаларға ауыстыру туралы әңгіме болған жоқ. Сондықтан ол Қостанайда емін жалғастыра береді.
Мешіт Ғазиз
