Қорымды тазалады
Жылда көктем келісімен абаттандыру, тазалық жасау, зираттардың айналасын тазалау жұмыстарын жүргізу облыс көлеміндегі барлық мешіттерде үрдіске айналған. Аталмыш жұмыстар быйыл да өзінің жалғасын тапты.
Қостанай қаласы, Абай көшесі бойындағы ескі қорымның тазалау жұмысы ұйымшылдықпен атқарылды. Оған мешіттердегі Жастар бөлімі, дін қызметкерлері, шәкірттер белсене қатысып, өздерінің бойларындағы асыл қасиеттерін көрсетті.
– Дүниеден өткен ата-бабаларымызға, барша азаматтарға құрмет көрсету – тірілердің парызы. Сондықтан да мұндай игі мақсаттағы шаралар барлық қалалар мен аудандарда жалғасын табады,- дейді найб имам Икрам Бақытжан.
ҚМДБ-ның Қостанай облысындағы өкілдігінің баспасөз қызметі.
