Әкелік борыштан қашқандар
Прокурорлар мен сот орындаушылар үш айдан астам уақыт алимент төлеуден жалтарып жүрген азаматтарды әшкереледі.
Жыл басынан бері 32 борышкер сот актісін орындамағаны үшін әкімшілік жауапкершілікке тартылған. Оның 25-і қамауға алу түріндегі әкімшілік жазасын өтесе, жетеуінің мойнына айыппұл ілінген. Тағы сегіз азаматтың үстінен қылмыстық іс қозғалды.
Алайда олар, әсіресе әкімшілік жауапкершілікке тартылғандар, тиісті тоқтам жасаудың орнына төлемнен жалтаруын жалғастырған. Сондықтан да ішкі істер органдардың араласуымен 25 азамат қылмыстық жауапкершілікке тартылды.
