Қоржынында – қос медаль
17-24 наурыз аралығында Дубайда FaZZa-9 әлем Кубогының кезеңі өтті. ҚР паралимпиадалық құрамасы сапында Қостанай облысының өкілдері – Ольга Настевич және Павел Сидорчук өнер көрсеткен еді. Бұл туралы "Лисаковск онлайн" сайты хабарлайды.
Екі спортшы да Лисаков қаласынан. Павел ҚР құрамасының қоржынына екі медаль салды: ядро лақтырудан "күміс" және сүңгі атудан "алтын" жүлде. Сайыстың соңғы түрінен ол 30,58 метр көрсетіп, үздік нәтижемен топ басына шықты.
Екі спортшы да Лисаков қаласынан. Павел ҚР құрамасының қоржынына екі медаль салды: ядро лақтырудан "күміс" және сүңгі атудан "алтын" жүлде. Сайыстың соңғы түрінен ол 30,58 метр көрсетіп, үздік нәтижемен топ басына шықты.
Ол енді 25-27 наурыз аралығында БАӘ-нің Шарджа қаласында өтетін ашық чемпионатқа қатысады.
Айта кеткен жөн, П.Сидорчук – Лисаков қаласының құрметті тұрғыны, жеңіл атлетикадан халықаралық дәрежедегі спорт шебері. Өткен жылы тірек-қимыл аппараты бұзылған жандар арасында Азия және Океания чемпионы атанды. Сондай-ақ, облыстың ең үздік 25 спортшысының құрамына енді.
