«Шахтерді» қапы қалдырды

26-27 шілде күндері Қазақстан Ұлттық чемпионатының Премьер-Лига командалары арасындағы кезекті 21 тур ойындары болып өтті. Осыған сәйкес Қостанайдың «Тобылы» өз алаңында Қарағандының «Шахтерін» қабылдаған болатын.

Бірден айта кету керек, бұл матчқа А.Финонченко,М.Топчагич және Ұ.Қонысбаевтар қатысқан жоқ.Шамасы, Виктор Кумыков оларды Еурпоа Лигасының кезекті ойындарының алдында демалдырып алуды ойласа керек. Осы үштіктен өзгесі түгел алаңға шықты. Алғашқы да ойын бәз баяғысынша басталған. Дегенмен, қостанайлықтарға үш ұпай өте маңызды еді. Матчтың 36 минутында Огнен Красичтен әдемі пас алған Томаш Шимкович «Шахтер» қақпашысын қапы қалдырды. Осыдан кейін жерлестеріміз қонақтар қақпасын әлсін-әлсін торауылдаумен болды. Әсіресе, қақпашымен бетпе-бет шыққан Игорь Бугаев пен НұрболЖұмасқалиев  тамаша мүмкіндікті мүлт жіберіп алды.

Кездесудің екінші таймында алаңға Йиржи Йеслинек пен Рауль Джалилов шықты. Міне, осылар матчтың соңына қарай «Тобылға» нәтиже әперді. 90 минутта Йиржи Йеслинек  қарағандылықтардың қақпашысын алдап соқты. Қортынды есеп 2:0. Көптен бері тоғызыншы орыннан жылжымаған «Тобыл» 26 ұпаймен турнир кестесіндегі сегізінші орынға көтерілді.

Енді «Тобыл» футболшылары 3 тамыз күні сырт алаңда, Семейдің «Спартагімен» күш сынасады. Қалған матчтардың нәтижелері төмендегідей:  «Астана» — «Атырау» 3:0, «Қайрат» — «Спартак» 4:1, «Ордабасы» — «Тараз» 1:1 «Қайсар» — «Жетісу» 0:0, «Ертіс» — «Ақтөбе» 1:1

 

 Айбек Кәдірұлы

Суретті түсірген Айбек Жүзбай