Ұлынан қорғауды сұрады

Қостанайдың 65 жастағы тұрғыны полицияға 40 жастағы ұлын әкімшілік жазаға тартуды сұрап шағымданды. Ол баласынан зәбір көрген. Бұл туралы alau.kz жазды.

Қарттың айтуынша, өз үйінде ұлы оған дөрекі сөздер айтып, қол жұмсаған. 

"Бұған дейін де айыпкер өткен жылдың наурыз айында отбасылық-тұрмыстық қатынастарда құқыққа қарсы әрекет жасағаны үшін әкімшілік жазаға тартылған. Дегенмен ол бұл ескертуден сабақ алмады, сонымен қоса осы жолғы әрекеті үшін де өзін кінәлі санамады және еш өкініші жоқ екенін айтты", – дейді прокуратура қызметкерлері. 

Ал қария өз ұлына мүмкіндігінше жаза тағайындауды сұрады. Мамандандырылған әкімшілік соттың шешімімен тәртіп бұзушы 10 күнге қамауға алынатын болды.

Сот шешімі күшіне енген жоқ.