Апаттан аяқсыз қалды (БЕЙНЕБАЯН)
Қостанай облысы Федоров ауданындағы тасжолда екі КамАЗ жүк көлігі соғысып, бір жүргізуші аяғынан айырылды.
Жан түршігерлік апат Федоров ауылынан төрт шақырым жерде болған, деп нақтылады Қостанай облыстық ІІД баспасөз қызметінен. Полицейлер ҚР ҚК 345-бабы (Адамның денсаулығына ауыр зиян келтiру) бойынша сотқа дейінгі тергеу жұмыстарын жүргізуде.
«Алдын ала дерек бойынша, «КамАЗ-65115» көлігіндегі 23 жастағы жүргізуші 37 жастағы азаматтың басқаруындағы «КамАЗ-5320» жүк көлігімен соқтығысқан, – деп хабарлады баспасөз қызметінен. – Алған жарақаты салдарынан екінші көліктегі жүргізушінің оң аяғына ампутация жасалып, ол Федоров орталық аудандық ауруханасының жан сақтау бөліміне жатқызылды. Оның 1982 және 1984 жылғы екі жолаушысы түрлі жарақаттар алды».
Полицейлер оқиға сызбасын құрды, медициналық куәландыру жүргізілді. Екі жүргізуші де мас болмаған.
Қазақпарат
