Шаңырақтың шаттығы мен берекесі

Сарыкөлде  "Пай, пай, шіркін, қазақтың келіндері-ай!"  сайысында салт-сананы сақтап, алғыс арқалап жүрген келіндер бақ сынады.

Шаңырақтың шаттығы мен берекесі бола білгендер "Қазақтың келіндері-ай! – дейтіндей теңеуге лайық екендерін дәлелдеді. Алтындай самауыр мен күмістей шәйнегін қайнатып, дастарханын жайнатқан ибалы да, инабатты жандар, байқау барысында өз-өздерін таныстырып, ұлттық қолөнерді ұлықтап, салт-дәстүрді дәріптеп, өнерден де құр алақан емес екендіктерін паш етті. Сондай-ақ, сәнді киімдерімен шығып, сахнаға сән берді.