Өткенді зерделеп, бүгінді бағамдады
Н.Ахметбеков атындағы мәдениет үйінде “Ұлы дала елі” атты тұңғыш рет аудандық конференция өтті.
Оған аудан әкімінің орынбасары Шота Оспанов, аудандық ішкі саясат бөлімінің басшысы Алма Әбішева, Торғай мұражайлар кешенін директоры Гүлбану Сәрсекеева, аудан жастары және аудан мектептерінің тарих пәнінің мұғалімдері қатысты.
Аудан әкімінің орынбасары Шота Сәбитбекұлы конференцияға қатысушыларды құттықтап, тағылымды тарихты бүгінгі жас ұрпаққа жеткізу жолындағы игілікті істеріне сәттілік тіледі.
Ы.Алтынсарин атындағы орта мектебінің тарих пәні мұғалімі Қанат Сәпенов, Ш.Уәлиханов атындағы орта мектебінің тарих пәні мұғалімдері Тамаша Қабажаева, Талғат Нұрмағанбетов “Ұлы дала елі” тақырыбы аясында баяндама жасады.
Аудандық ішкі саясат бөлімінің басшысы Алма Сапарқызы алдағы уақытта жас ұрпақтың патриоттық сезімдерін ояту мақсатында өткеніміз бен бүгінгімізді зерделеуге негізделген іс-шаралар аудан көлемінде жоспарлы түрде жүргізіліп, кезең-кезеңімен жалғасын табады деп сенім білдірді.
Конференция соңында аудан әкімінің орынбасары осы кеште белсенділік танытқан тарих пәні мұғалімдеріне арнайы алғыс хаттар табыс етті.
Байбатыр Ахметбеков,
Жанкелдин ауданы
