Саға ауылына су жетті
Саға ауылы – Жангелдин ауданынан шалғай жатқан елді мекендердің бірі. Ауылдағы ауыз судың тапшылығынан, тұрғындар тіршілік нәрін 5-6 шақырым жерден тасып ішуге мәжбүр. Күздің қара жаңбыры мен көктемнің ағын суына тәуелді болып келген ауылдықтардың зары билік құлағына жеткен сыңайлы.
Олай дейтініміз, "Ақбұлақ" бағдарламасы аясында, Саға ауылын сумен қамтамасыз ету мақсатында, республикалық бюджеттен 251522 мың теңге, ал об-лыстық бюджеттен 27947 мың теңге қаржы бөлінді.
Құрылыс жұмысын қостанайлық "Строитель–2003" ЖШС жүргізуде. Мердігерлер 4 шақырымдық жерге су құбырын тартып, 65 құдық орнатты. Сонымен қатар, 2-ші көтерілімдегі су сору станциясының іргетасы қаланып бітті. Таза ауыз су ауылдықтарға беріле бастады.
Байбатыр АХМЕТБЕК.
Жангелдин ауданы.
