Мас жүргізуші мас адамдарды қағып кетті
Боровской ауылында мас жүргізуші екі мас адамды қағып кетті. Оқиға жаңа жылдың алғашқы күні болған. Қостанай облыстық ІІД-нің баспасөз қызметі хабарлағандай, "ВАЗ-2106" көлігін тізгіндеген 24 жастағы азамат мас күйінде рөлге ие бола алмай, дүкеннің алдында тұрған 49 жастағы әйел мен 44 жастағы ер адамды соғады. Қазір запа шеккендер аудандық ауруханада жатыр.
Көлік иесінің үстінен қылмыстық іс қозғалып, сотқа дейінгі тергеу амалдары басталды. 
