“Балдәурен” қызықтары жалғасуда
Арқалық қаласына қарасты "Жалғызтал" ауылында балалардың жазғы демалысы жақсы жолға қойылған. Ауылдағы Т. Әубәкіров атындағы тоғыз жылдық мектептің жанынан құрылған "Балдәурен" лагерінде бұл күндері 21 бала тынығуда.
– Лагерь үш ауысымда жұмыс жасайды. Мұнда негізінен көп балалы, аз қамтыл-ған отбасылардың балалары топтастырылған. Біздің 4 клубымыз бар. Балаларға түрлі ойындар үйретіп, өнерге баулып, диспуттар ұйымдастырып, спортпен шұғылдандырамыз. Қаладағы "Жас-Ұлан" жасөспірімдер және Қосымша білім беру орталықтарымен де тығыз қарым қатынастамыз, – дейді мектеп директорының тәрбие ісі жөніндегі орынбасары Жұмакүл Қабидоллақызы.
Мұның сыртында ауылдың 7 баласы "Алюминқұрылыс" ЖШС-не қарасты Көктаудағы "Құрылысшылар" лагерінде демалу мүмкіндігіне ие болыпты.
Мұрат Жүнісұлы
Арқалық қаласы.
